لاہور میں رات ہونے والی بارش کے بعد موسم خوشگوار ہو گیا ہے، جبکہ شہر میں سورج اور بادلوں کے درمیان آنکھ مچولی کا سلسلہ جاری ہے۔
محکمہ موسمیات کے مطابق شہر کا موجودہ درجہ حرارت 30 ڈگری سینٹی گریڈ ریکارڈ کیا گیا ہے، جبکہ آج زیادہ سے زیادہ درجہ حرارت 37 اور کم سے کم 28 ڈگری سینٹی گریڈ رہنے کی توقع ہے۔
حکام کا کہنا ہے کہ آج شہر میں بارش کے 70 فیصد امکانات موجود ہیں۔ اس وقت 14 کلو میٹر فی گھنٹہ کی رفتار سے ہوائیں چل رہی ہیں، جبکہ ہوا میں نمی کا تناسب 70 فیصد ریکارڈ کیا گیا ہے، جس کے باعث موسم نسبتاً مرطوب رہے گا۔